خصفـوه وحطابه وشوانه .:*¨*:.

/
/

قال ابن طرمبة يوماً :
سواهيب ولواهيب .. حر مسوي جواليب
عرق وتصبصيب .. رطوبه خانقه كالدوايب

قال مرهون هرن يوماً :
ابا حدال ورطب .. وسح وخلاصه وكامي
انتبه قدامك مطب .. حاسب مرهون صاني

*
وقالت شوانه صفيروّه يوماً :
لا تبقبق بالجرح وتعقه .. حاسب على الدقة واللقعة
خوّز كل هم بمقشاع .. وازعق بصوت عالي ملتاع

قال مخاوي السبلة يوماً :
ليس كل من يحك شعرهُ دائما به قملٌ ..
وليس من كل من يآكل لقمة يحس بها ..


خلونآ من ثرثرات العُظماء فوق وهيآ بنــا نسمـع سوالف شوانه !

ياخي لما قلت (هيا) تذكرت ذاك البرنامج القديمـ ، بو يقول ذاك فيه :
هيااا الى المناهل هياا الى الحياة



تو يقولو هيااا الى الايباد هيااا الى الانجري بيرد
جيل يحتاج له رمي بتفق خلفان




خصفوه وحطابه جالسات على ضفة الساقية ومخليات ريولهن في الماي بو يجري ويتبردن وداقات سوالف لحد ما تجيهن شوانه بنت صفيروّه
والأجواء كانت جميلة مع هواء عليل ، وخلصات القت تتمايل مع مداعبة الهواء لها ! ..


خصفوه ~ هينك يو بنت موزان خلا ماه صانا اتأخرنا على شوانه
حطابه ~ موجوده حبتي ، خليني شوي اعدل ذا الليسو بو منتشل على خصلات شعري
خصفوه ~ مووه .. ذا شعرش الي تقول كأنه عروق بصل متهدلات
حطابه ~ :بو تدحر بعيونها بكبرياء: الي ما يذوق العنب حامض عنه يقول :بو دقة رقبة شوي:

وبينما كانن يتبادلن حرارة الكلام كالعادة ، اذا بوجه يقبل عليهن من بين القاو وينزل راسه ويمشي عن تلوفه شوك ف عيونه من سدرة النبق بو مر تحتها
أنها شوانه ، ذات حسن ومكانه ، حرمه ولسانها مجز ، تتلكم وتخز بعيونها خز ، حاطه الرنج ف نعافها والشغاب متهدل على صماخها

شوانه ~ هاي حلوات مو حالكن
حطابه ~ هلا بالي لفانا يا هلابه
خصفوه ~ عدد جزات القت في غيابه
شوانه ~ جزو راسش قولي آمين
حطابه ~ خليها تغني صاها فرحانه بقدومش
خصفوه ~ مبونها ذي السنطره ماحد يقولها شي بمره تبرطم
شوانه ~ ودريها ذي البغيضه ، اقولش حطبوه سويلي بنق طشه الشبكة كما وجهش
حطابه ~ اندوش طرن طرن طرن طرن
شوانه ~ بس بس علوه غاب الفون
خصفوه ~ هيييييييييه زمن يا زمن تو زمن العجايب شوانه وحطبه مكرهن زايد
شوانه ~ اقولش انتيه انطمي وتمي مع ذا بو بجلي وخلي زوجش يجيبلش غيره ذا شحفان
حطابه ~ اقول شوانه وصلني تو انه في واحد اسمه اوين كورن فليكس قحم من فوق السماء
خصفوه ~ اسمه الرجال فيليكس يالبغام
شوانه ~ واعوقي وليش قحم اكيد الحياة عنده سقم وباغي ينتحر
حطابه ~ لا يالمجز ، اون باغي يكسر رقم قياسي ويتحدى الصوت واموه وهو ناقز من فوق
خصفوه ~ يقولك اوين وهو قاحم من فوق يتكلم معهم والاتصال واضح امورهم طيبه مب حنا
حطابه ~ لاتذكرني بالحقمة النورس ولا عمانتل .. فالحين يخروفنا بس والشبكة ضعيفة وين ماتروح
شوانه ~ صدقتن وعاد زوجي خلفان ما اسمعه بوضوح الا لما يطلع النخلة ويخرف ويكلمني من فوق
خصفوه ~ زوجك فاضي زين ما تدهدر وطاح من فوق وبلاش فيه
حطابه ~ الحب اوين خصفوه يكلمها من فوق ، خسوف متولفين
شوانه ~ اذا ما سكتن تو اقوم ارشكن بماي وسبحكن كما الهوش
حطابه ~ بنسكت يعل راسش نارجيله تطيح عليه وينفلق

والسوالف والمنازع مستمر ..
أقبل عليهن علاوي ولد حطابه

علاوي ~ اماه اماه ابوي يباش في البيت
شوانه ~ يالله يالله من ذا الولد الحمر الحلو كانه حبة بسره تمشي
حطابه ~ :نخامة: تف تف عليش بايه تآكلي مضنوني بعيوني الحوله
خصفوه ~ فديتو علاوي كيوووووت ، طالع على أمه بالحواجب كأنه نسر طاير
شوانه ~ صدقتي خصفوه
حطابه ~ حديدكن مايقص ان شاء الله ، واذا صار شي للولد اخليكن تعضن لبان
حبيبي علاوي روح البيت وقول لأبوك امي بتجي بعد شوي
شوانه ~ قومي يمكن يباش في شي ضروري
خصفوه ~ اكيد جايب جيذر وباغنها تملحه :تضحك:
حطابه ~ وانتيه مو يعورش خصفوه ، صخي لا قتلك

وبعدها ذهبن الى البيوت .. وفي الطريق مر عليهن واحد راكب سيكل مال هنود وقام يتغزل بالكلام ، انه اقوى من الشدة واحد من السين ! ههه
انه خلفان ابو خنفره

شوانه ~ اوووف جا بو ما يتسمى هالكنا كل ما نمر من هنا يبحلق فينا
حطابه ~ هالمره لو قال شي بالزنوبه في راسه
خصفوه ~ افت راسه بطابوقة ذا الخسف
بو خنفره ~ يووه يوووه يوووه محلا كلامه ،، يوووه يوووه محلا غرامه
حطابه ~ يوووه يالصنم خوز من هنا لا تو ازعقلك الحاره كلها
بو خنفره ~ يالله صوبنا المزيون
شوانه ~ اي مزيون قرعة تقرعك هذي مثل جدتك ما تشوفها عجوز
حطابه ~ :تقرص خصرها: عينش انا وحدي ما عجوز مغواتي وحلاتي
بس هذا السيكل اذا ما خاز من دربنا اقوم تو وادوسه برجولي
خصفوه ~ بو خنفره احسلك غيب من هنا حطبه سينا بدت تعصب وصاها بتقتلك
بو خنفره ~ تحمد ربها انه في حد يقولها كلام غاوي ، ذي العجوز
شوانه ~ :تمسك زنوبه رقم12: وتفرها ف راسه
حطابه ~ : تمسك كنكري وتنشحه بوجه:
خصفوه ~ :تطلع فونها الجالكسي المضموم: وتصورهن
بو خنفره ~ وااااااااااااي الشيمه بس بس :بو يسوي غبابير بالسيكل من قوة الشردة:
شوانه ~ :بو تطلع نار من خشمها: هيييييييييينه ذا هييييييييييينه خوزي عني محد يمسكني
حطابه ~ تعاااااااال ليش روحت يا ولد سلايم ،، معليك دواك مع امك يالمنخفر
خصفوه ~ :تضحك بقو: ههههههه ، تستاهلن تستاهلن
شوانه ~ :تفصها:
حطابه ~ :تمسك فونها: وتعقه ف الحوش وينكسر
شوانه ~ زين سويتي حبيبتي خلي تو زوجها ياخذلها غيره
خصفوه ~ اصلا عادي :عييار: اصلا ذا فونش مب فوني يالدبه
شوانه ~ :منصدم: لااااااااااااااااا مو ذي الحالة ّ وانتيه ليش تعطيها انا مسكت ياه لما عقيت الزنوبه
حطابه ~ مو ذي الحالة الاقيها منكن ولا من بو خنفره
خصفوه ~ خفي علينا عبدالله الرويشد
شوانه ~ خلا خلا مشن البيوت بدل ذي الحالة ، خليتن صغيرين الحالة يضحكو علينا

وبهيك انتهت حتوتة الحريم الثلاث ! الي ماتدور الكلمة الحلوة بينهن !

النزاعة والضرابة من الاولويات .. رغم كل هالشي .. الا تجمعهن صداقة قوية !